總結：從旅遊角度看，由於我去過好多歐洲國家，相比之下，英國的景點似乎無歐洲咁靚，宏偉和精彩，雖然都有好多歷史建築可以參觀。從移民考察角度看，香港的制度真係好似英國，都係右軚車，街道都係一樣咁窄，公共交通工具都係有巴士、地鐵、輕鐵，主要講英語，呢啲嘢係對於香港人容易適應。不過，亦都有一啲明顯差異係香港人比較難適應，例如：
天氣，英國無論在邊度都係經常落雨，就算係天晴，都可以突然之間變得密雲和落雨，好彩英國啲雨唔係落得好大，通常都係微雨，沒有香港的傾盤大雨。
溫度方面，夏天唔熱，涼涼哋都好舒服，無香港咁熱，冬天就未有機會親身體驗。
樓宇，除咗大城市嘅中心地帶，大部份地方都係兩三層高嘅建築物，甚少有幾十層高的摩天大廈。除咗倫敦，大部份地區的樓價都比香港平。
歷史宗教文化方面，英國比香港有更悠久的歷史，地方大，古蹟多，若果你鍾意呢啲嘢，英國會令你好滿意。
物價，由於英國有20%的銷售稅，及最低工資，所以物價並不平宜，特別係有人服務你的地方。
英國有平價區（蘇格蘭、威爾斯），也有貴價區（倫敦），自己衡量一下各種因素去作出決定吧。
25/7/-5/8/2023
Return to Travel Photography 返回旅遊攝影